غیر ملکی خبر ایجنسی کے مطابق وسطی ایران کے صوبے یزد میں پاکستانی زائرین کی بس کو پیش آنے والے حادثے میں 32 پاکستانی جاں بحق جبکہ 30 سے زائد زخمی ہو گئے ہیں۔
بس میں سوار پاکستانیوں کا تعلق لاڑکانہ سے ہے جو مقامات مقدسہ کی زیارت کے لیے ایران گئے تھے ۔
پاکستانی زائرین کا قافلہ دو بسوں اور 100 سے زائد زائرین پر مشتمل تھا، زائرین کی ایک بس ایران کے شہر یزد پہنچی، جہاں بس کے مبینہ طور پر بریک فیل ہو گئے۔
حادثے میں 32 زائرین جاں بحق اور 30 زائرین کے شدید زخمی ہونے کی اطلاعات ہیں۔
ذرائع کے مطابق بس میں سوار زیادہ تر زائرین کا تعلق لاڑکانہ سے ہے۔
