پاکستانی حکومت نے بنگلہ دیش کے عوام کے ساتھ یکجہتی کا اظہار کیا ہے۔
وزارت خارجہ کی طرف سے جاری بیان میں کہا گیا کہ پاکستانی حکومت بنگلہ دیش کے عوام کے ساتھ کھڑی ہے اور اظہار یکجہتی کرتی ہے۔
ترجمان دفتر خارجہ نے کہا ہے کہ پاکستان کے عوام بھی بنگلہ دیش کے عوام کے ساتھ یکجہتی کے طور پر کھڑے ہیں۔
ترجمان نے مزید کہا ہے کہ ہمیں یقین ہے کہ بنگلہ دیشی عوام کا جذبہ استقامت اور اتحاد انہیں ہم آہنگی پر مبنی مستقبل کی طرف لے جائے گا۔
دفتر خارجہ کے مطابق پاکستان ملک میں حالات پرامن اور تیزی سے معمول پر آنے کی امید کرتے ہیں۔
واضح رہے کہ طلبا اور سول سوسائٹی کی تحریک کے نتیجے میں بنگلہ دیشی وزیراعظم شیخ حسینہ واجد مستعفی ہونے کے بعد بھارت فرار ہوچکی ہیں۔اور بنگلہ دیش کی پارلیمنٹ بھی تحلیل کی جا چکی ہے۔
