کے پی کے علاقے پاراچنار میں ایک نہایت ہی عجیب و غریب واقعہ پیش آیا جدھر صرف 20 روپے کے لئے مسافر نے وین ڈرائیور کا کان جبا ڈالا۔
ذرائع کے مطابق پولیس نے اس واقعے کے بعد ملزم وہاب علی کو حراست میں لے لیا ہے۔
وین کے ڈرائیور امجد علی نے پاراچنار تھانے میں شکایت درج کرائی کہ اس نے مسافر وہاب علی اور ایک خاتون کو شہر سے اٹھایا اور ان کو کالج کالونی میں اتارا، منزل پر پہنچ جانے کے بعد مسافر نے 100 روپے ادا کیے اور 20 روپے واپس کرنے کا مطالبہ کیا۔
ڈرائیور امجد علی نے انکار کیا کہ کرایہ اتنا ہی بنتا ہے تو اس پر مسافر وہاب علی نے اس پر حملہ کر دیا اور اس کا کان کاٹ کر چبا ڈالا۔
ذرائع کے مطابق اس واقعے کے بعد زخمی ڈرائیور کو فوری طور پر ڈسٹرکٹ ہیڈ کوارٹر اسپتال پاراچنار پہنچایا دیا گیا،جدھر اس کو طبی امداد فراہم کی گئی ہے۔
اس کے بعد پولیس نے زخمی کی شکایت پر ملزم کو گرفتار کر کے حراست میں لے لیا ہے۔
