دنیا سےرخصت ہوئے پٹیالہ گھرانے کے استاد بڑے فتح علی خان 7 برس بیت گئے.انہوں نے جو بھی گایا وہ لوگوں کے دلوں میں گھر کر گیا.
استاد بڑے فتح علی خان کو کلاسیکی فنِ گائیگی کا ماہر مانا جاتا ہے، سیریلے سُر لگانا لمبی تان لگانا ان کا طرہ امتیاز تھا، 17 برس کی عمر میں ہی بڑے فتح علی خان نے شہرت حاصل کر لی تھی، بھارت کے انگریز حاکم لارڈ ایلگِن نے انہیں فن موسیقی کے کرنیل کا خطاب دیا۔ استاد بڑے فتح علی خان اپنی موسیقی کی وجہ سے لوگوں کے دلوں پر راج کرتے تھے
تقسیم ہند کے بعد بڑے فتح علی اپنے بھائی امانت علی کے ساتھ پاکستان آگئے اور یہاں دونوں بھائیوں کو کلاسیکی موسیقی کی باکمال جوڑی قرار دیا گیا، بڑے فتح علی خان نے پی ٹی وی پر بھی پرفارم کیا تاہم زیادہ وہ ریڈیو پاکستان سے وابستہ رہے۔
آپ نےستّر سے زائد فلموں میں آواز کا جادو جگایا، حکومت سے تمغہ حسن کارکردگی سمیت بیرون ملک بھی انہیں کئی اعزازات سے نوازا گیا، استاد بڑے فتح علی خان 4 جنوری 2017ء کو 82 برس کی عمر میں خالقِ حقیقی سے جاملے اورلاہور میں آسودہِ خاک ہیں۔ آج بھی آپ لوگوں کے دلوں میں زندہ ہیں
