جنوبی امریکی ملک پیرو میں مسافر بس کھائی میں جاگری،جس کی وجہ سے 29 افراد جان کی بازی ہار گئے۔
غیر ملکی خبررساں اداروں کے مطابق مسافروں سے بھری بس دارالحکومت لیما سے جنوبی شہر آیاکوچو کی جانب جارہی تھی کہ راستے میں توازن بگڑنے کی وجہ سے 650 فٹ کی بلندی سے بس کھائی میں جا گری۔
انتظامیہ کے مطابق یہ واقعہ مقامی وقت کے مطابق صبح 5 بجے کے قریب پیش آیا اور واقعے کی اطلاع ملتے ہی سرچ اینڈ ریسکیو آپریشن شروع کیا گیا۔انتظامیہ کے مطابق حادثے میں 29 افراد ہلاک اور 13 افراد زخمی ہوئے ہیں جن کو علاج کیلئے فوری طور پر اسپتال منتقل کردیا گیا۔
