پشاور میں ای سگریٹ، وپیس اور نکوٹین پاوچ پر مکمل طور پر پابندی عائد کردی گئی ہے، اس سلسلے میں ضلعی انتظامیہ کی طرف سے دفعہ 144 نافذ کر دی گئی ہے۔
ضلعی انتظامیہ کے مطابق ای سگریٹ، وپیس اور نکوٹین پاوچ سے سانس کی بیماریاں پھیلنے کا شدید خدشہ ظاہر کیا گیا ہے۔ضلعی انتظامیہ نے واضح کردیا ہے کہ تعلیمی اداروں اور ہسپتالوں کے آس پاس اور اس کے ساتھ ہی 21 سال سے کم عمر نوجوانوں پر ای سگریٹ، ویپس اور نکوٹین پاوچ فروخت کرنے پر مکمل پابندی عائد ہوگی۔مزید ضلعی انتظامیہ کی طرف سے جاری اعلامیہ میں بتایا گیا ہے کہ عوامی مقامات اور گاڑیوں پر ان پراڈکٹس کی تشہیر بھی نہیں کی جانی چاہئے۔ ان تمام قوائد و ضوابط کی خلاف ورزی کرنے والوں کے خلاف سخت ایکشن لیا جائے گا۔
