پشاور میں 12سرکاری دفاتر کی بجلی منقطع کر دی گئی ہے
پشاور میں ایف آئی اے نے12 سرکاری دفاتر کی بجلی منقطع کر دی۔ذرائع کے مطابق ایک ہفتے کے دوران ایف آئی اے نے پشاور کے مختلف علاقوں میں کارروائیاں کیں، اور بجلی کے بقایا جات نہ دینے پر بارہ سرکاری دفاتر کی بجلی منقطع کردی۔ترجمان ایف آئی اے کے مطابق اینٹی کرپشن، افغان کمشنریٹ اور ڈی جی ایکسائز کے دفتر کی بجلی منقطع کی گئی ہے،ورکرز وومن ہاسٹل اورچیف انجینئرنگ پبلک ہیلتھ ڈیپارٹمنٹ کی بجلی بھی بند کی گئی۔
فرانزک سائنس لیبارٹری اور پبلک فوڈ لیبارٹری کی بجلی بھی منقطع کی گئی ہے، ترجمان ایف آئی اے کے مطابق ڈی جی ایکسائز دفتر پر 13 لاکھ سے زیادہ بقایا جات ہیں، جبکہ اینٹی کرپشن اور فرانزک سائنس لیبارٹری پر 7 لاکھ سے زائد کے بقایا جات ہیں۔ایف آئی اے کے مطابق 6 لاکھ سے زائد ورکرز وومن ہاسٹل اور افغان کمشنریٹ پر واجبات ہیں، جن دفاتر نے بقایا جات ادا کر دیے ان کی بجلی بحال کی جا رہی ہے۔
