پشاور میں برفباری اور بارشوں کا سلسلہ جاری رہنے کا امکان ہے،ضلعی انتظامیہ کی جانب سے الرٹ جاری کر دیا گیا
پشاور اور خیبرپختوانخوا کے تمام اضلاع میں محکمہ موسمیات کی جانب سے موسم شدید سرد رہنے کا امکان ظاہر کیا گیا ہے۔اعلامیہ کے مطابق خیبرپختونخوا میں برفباری اور بارشوں کا سلسلہ مزید کچھ دن جاری رہنے کا امکان ہے۔ تمام ضلعی انتظامیہ کو پی ڈی ایم اے نے الرٹ رہنے کے لیے نیا مراسلہ جاری کردیا ہے۔
اس سلسلے میں بڑی،چھوٹی ہر قسم کی مشینری کی ضلعی انتظامیہ کو دستیابی یقینی بنانے کی بھی ہدایت کی گئی ہے۔پی ڈی ایم اے مراسلہ میں انتظامیہ کو ہدایت کی گئی ہے کہ ضلعی انتظامیہ حساس اضلاع میں مقامی آبادی تک پیغامات مقامی زبانوں میں پہنچائے جبکہ موسمی صورت حال سے سیاحوں کو بھی آگاہ کیاجائے ۔
