پشاور میں والدہ کو بیٹے نے فائرنگ کر کے قتل کر دیا
والدہ کو بدبخت بیٹے نے تھانہ انقلاب کے علاقے میں فائرنگ کرکے قتل کر دیا اور اس کے بعد وہ فرار ہو گیا۔مدعی شیر بہادر ولد حاجی قیوم نے شلوازن کالونی کے علاقے میں پیش آنے والے واقعہ کے حوالے سے پولیس کو آگاہ کرتے ہوئے بتایا کہ اس کے بیٹے ہارون کی گزشتہ روز اپنی والدہ مسماة بشری کے ساتھ گھریلو تنازعہ پر تکرار ہو گئی۔جس کے بعد دونوں ماں،بیٹے میں شدید لڑائی ہوئی۔جس کے بعد ملزم نے پستول سے فائرنگ کرکے اپنی والدہ کو جان سے مار دیا۔
واردات کے بعد بیٹا ماں کو تڑپتی حالت میں چھوڑ کر فرار ہو گیا۔لاش کو پولیس نے وسٹمارٹم رپورٹ کیلئے ہسپتال منتقل کردیا ہے، جبکہ مقدمہ ملزم کے خلاف درج کرکے اس کی تلاش شروع کردی گئی ہے۔
واضح رہے کہ والدہ کو تھانہ انقلاب کی حدود میں بدبخت بیٹے نے فائرنگ کر کے قتل کر دیا ہے۔
