پشاور سے عازمین حج کو جدہ لے کر جانے والی قومی ائیر لائن کی فلائٹ تاخیر کا شکار ہوگئی جس کی وجہ سے حج پر جانے والے مسافروں کو سخت مشکلات کا سامنا کرنا پڑ رہا ہے۔
عازمین حج کے مطابق فلائٹ شام 4 بج کر 50 منٹ پر روانہ ہونا تھی جبکہ اس کے برعکس 8 گھنٹے گزر جانے کے بعد بھِی پرواز روانہ نہ ہوسکی۔مزیدانہوں نے بتایا کہ ہمیں دو بار جہاز میں بٹھایا اور اتارا گیا ہے۔اس کے بعد اب کہا جا رہا ہے کہ طیارے کا ائیرکنڈیشن خراب ہوگیا ہے۔
