سینیٹ کی 6 جنرل نشستوں پر ضمنی انتخابات کیلئے پولنگ جاری ہے
سینیٹ کی 6 جنرل نشستوں پر ضمنی انتخابات کیلئے پارلیمنٹ اور صوبائی اسمبلیوں میں پولنگ کا عمل جاری ہے جو بلاتعطل شام 4 بجے تک جاری رہے گا۔اعلامیہ کے مطابق پولنگ اسلام آباد کی ایک،سندھ کی 2 اور بلوچستان کی 3 نشستوں پر انتخاب کےلیےجاری ہے۔ منتخب ہونے والے آج تمام 6 سینیٹرز 3 سال کی مدت کیلئے ہوں گے۔ نشستیں 2021 میں منتخب سینیٹرز کے مستعفیٰ ہونے پر خالی ہوئی تھیں۔ یوسف رضا گیلانی،عبدالغفور حیدری، نثارکھوڑو، جام مہتاب، پرنس احمدعمر اور سرفرازبگٹی مستعفی ہونے والوں میں شامل ہیں۔
پولنگ کیلئے قومی اسمبلی ہال میں ظفر اقبال ریٹرننگ افسر مقرر ہیں، ووٹ311 ارکین قومی اسمبلی اسمبلی اسلام آباد کی جنرل نشست کیلئےڈالیں گے۔پیپلزپارٹی کے یوسف رضا گیلانی اور سنی اتحاد کونسل کے الیاس مہربان مدمقابل ہیں۔دوسری طرف 7 امیدوار بلوچستان اسمبلی میں بلوچستان سے سینیٹ کی 3 خالی نشستوں کےلیے مد مقابل ہیں تاہم پیپلز پارٹی،مسلم لیگ ن اور جے یو آئی کے امیدواروں کی کامیابی کے امکانات واضح ہیں۔پاکستان پیپلزپارٹی نےسابق وزیراعلیٰ عبدالقدوس بزنجو،مسلم لیگ ن نے سابق وفاقی وزیردوستین ڈومکی اور جمعیت علماء اسلام نے عبدالشکور غبیزئی کو امیدوار نامزد کیا ہے، امیدواروں میں بلوچستان عوامی پارٹی کے کہدہ بابر اور مبین خلجی بھی شامل ہیں۔پولنگ سندھ میں سینٹ کی2جنرل نشستوں پر ضمنی انتخاب کےلیے جاری ہے، خفیہ رائے شماری 9 بجے سے4 بجے تک ہوگی، پیپلزپارٹی کے سیف اللہ ابڑو اور جام سیف اللہ دھاریجو امیدوار ہیں۔سنی اتحاد کونسل کی جبکہ شازیہ سہیل اورنزیراللہ امیدوار ہیں۔
