وزیراعظم کی سپریم کورٹ میں چیف جسٹس پاکستان قاضی فائز عیسی سے ملاقات ۔ججز کی جانب سے سپریم جوڈیشل کونسل کو لکھے گئے خط کا معاملہ زیر غور آیا
وزیراعظم کی سپریم کورٹ آمد۔شہباز شریف کی چیف جسٹس پاکستان قاضی فائز عیسی سے ملاقات ہوئی۔ملاقات چیف جسٹس پاکستان کے چیمبر میں ہوئی۔ذرائع کے مطابق وزیراعظم اور چیف جسٹس پاکستان کی ملاقات میںوزیرقانون اعظم نذیر تارڑ اور اٹارنی جنرل منصور عثمان بھی شریک تھے۔یادرہے کہ اسلام آباد ہائیکورٹ کے 6ججز کے خط کے معاملے پر گزشتہ روز چیف جسٹس پاکستان قاضی فائز عیسی کی زیر صدارت سپریم کورٹ کا فل کورٹ اجلاس ہوا تھا۔اجلاس میں اسلام آباد ہائیکورٹ کے ججز کے خط پر غور کیا گیا اور ججز کے خط کی آئینی و قانونی حیثیت کا جائزہ لیا گیا۔
