پاکستان سپر لیگ کے 10ویں ایڈیشن کے آٹھویں میچ میں کراچی کنگز کے 176رنز ہدف کے تعاقب میں کوئٹہ گلیڈی ایٹرز کی پوری ٹیم 9 وکٹوں کے نقصان پر 119 رنز بنا سکی ۔
نیشنل سٹیڈیم کراچی میں کھیلے گئے میچ میں کراچی کنگز نے ٹاس جیت کر پہلے بیٹنگ کا فیصلہ کیا،اور مقررہ 20 اوورز میں 7 وکٹوں کے نقصان پر 175 رنز سکور کیے ۔
کراچی کی جانب سے جیمز ونس 70 رنز بنا کر نمایاں رہے، کپتان ڈیوڈ وارنر 31، ٹِم سائفرٹ 27، محمد نبی 18، عرفان خان 17، ریاض اللہ 6 اور خوشدل شاہ 1رن بنا کر آؤٹ ہوئے ۔
گلیڈی ایٹرز کی جانب سے علی ماجد اور محمد عامر نے 2، 2 جبکہ کپتان سعود شکیل، شان ایبٹ اور ابرار احمد نے 1، 1 وکٹ اپنے نام کی ۔
کوئٹہ گلیڈی ایٹرز کی ٹیم 176 رنز کے تعاقب میں 9 وکٹوں کے نقصان پر 119 رنز بنا سکی اور 56 رنز سے میچ ہار گئی ۔
گلیڈی ایٹرز کی جانب سے کپتان سعود شکیل 33 رنز ناٹ آؤٹ بنا کر نمایاں رہے، محمد عامر 30، کوسال مینڈس 12، فن ایلن 6، ابرار احمد 5، فہیم اشرف، شان ایبٹ 3، 3، حسن نواز 1، خواجہ نافع اور رائلی روسو1، 1 رن بنا کر آؤٹ ہوئے ۔
کراچی کنگز کی جانب سے حسن علی نے 3، محمد نبی اور عباس آفریدی نے 2، 2 جبکہ عامر جمال اور میر حمزہ نے 1، 1 وکٹ حاصل کی ۔
شاندار 70 رنز کی اننگز کھیلنے پر کراچی کنگز کے جیمز ونس کو میچ کا بہترین کھلاڑی قرار دیا گیا ۔
