قذافی سٹیڈیم لاہور میں پی ایس ایل 10 کے جاری ایونٹ کے 15 ویں میچ میں کوئٹہ گلیڈی ایٹرز کے 143 رنز ہدف کے تعاقب میں کراچی کنگز مقرہ اوورز میں 8 وکٹوں پر 137 رنز بناسکی ۔
کوئٹہ گلیڈی ایٹرز کی ٹیم نے پہلے بیٹنگ کرتے ہوئے 19.3 اوورز میں 142 رنز بنائے، جس میں فہیم اشرف 43 رنز بنا کر نمایاں رہے، کوشل مینڈس 36، حسن نواز 35، ریلی روسو 10، کپتان سعود شکیل 6، مارک چیپمن 4 رنز بنا سکے ۔
کراچی کنگز کی جانب سے حسن علی نے 3، میر حمزہ اور عباس آفریدی نے 2، 2، محمد نبی اور فواد علی نے 1، 1 وکٹ حاصل کی ۔
مقررہ ہدف کے تعاقب میں کراچی کنگز نے مقررہ اوورز میں 8 وکٹوں وکتوں کے نقصان پر 137 رنز بنا ئے جس میں کپتان ڈیوڈ وارنر 4، جیمز ونس 30، شان مسعود 9 ، عمیر بن یوسف11 رنز بناکر آؤٹ ہوگئے، محمد نبی 4 ، خوشدل شاہ اور عباس آفریدی بغیر کوئی رن بنائے چلتے بنے جبکہ حسن علی 24 اور میر حمزہ 3 رنز کیساتھ ناٹ آؤٹ رہے ۔
کوئٹہ گلیڈی ایٹرز کی جانب سے محمد عامر، خرم شہزاد اور محمد وسیم نے 2، 2 جبکہ ابرار احمد اور سعود شکیل نے ایک ایک وکٹ حاصل کی
کوئٹہ گلیڈی ایٹرز کے ابرار احمد کو 4 اوورز میں صرف 15 رنز دے کر ایک وکٹ حاصل کرنے پر میچ کا بہترین کھلاڑی قرار دیا گیا ۔
