پی ٹی آئی کا وفاق اور پنجاب میں اپوزیشن میں بیٹھنے کا فیصلہ کر لیا گیا ہے
بانی چیئرمین عمران خان کی ہدایت پر پاکستان تحریک انصاف نے پنجاب اور وفاق میں اپوزیشن میں بیٹھنے کا اصولی فیصلہ کرلیا ہے ۔اسلام آباد میں قومی وطن پارٹی کے رہنما کے ہمراہ مشترکہ پریس کانفرنس میں پی ٹی آئی رہنما بیرسٹر سیف نے کہا ہے کہ پاکستان تحریک انصاف وفاق اور پنجاب میں عمران خان کی ہدایت پر اپوزیشن بینچوں پر بیٹھے گی۔انہوں نے کہا ہے کہ سیاسی جماعتوں سے ہم چیئرمین پی ٹی آئی کی ہدایت پر رابطے کررہے ہیں، جن کا حق بڑے پیمانے پربنتا ہے،نتائج انکے تبدیل کئے گئے ہیں، ان حالات کے نتائج آئندہ آنے والی نسلوں کو بھگتنا پڑتے ہیں۔
بیرسٹر سیف کا کہنا تھا کہ ہم نے مرکز اور پنجاب میں چیئرمین پی ٹی آئی کی ہدایت پر اپوزیشن میں بیٹھنے کا فیصلہ کیا ہے،احتجاج جماعت اسلامی، جے یو آئی اور محمود خان اچکزئی نے بھی کیا ہے،آفتاب شیر پاؤ نے جبکہ ہماری بات سنی ہے۔مزید رہنماءپی ٹی آئی نے کہا ہے کہ فارم 45 ثبوت ہیں کہ ہمارے امیدوارجیتے ہیں مگر نتائج فارم 47 میں تبدیل کیے گئے ہیں، الیکشن ہرپانچ سال بعد ہوتے ہیں اورمتنازع ہوجاتے ہیں، انتخابات کا مقصد فوت ہوگیا ہے۔قومی وطن پارٹی کے سربراہ سکندر حیات خان نے اس موقع پر کہا کہ ہمیں بھی الیکشن کے نتائج پر شدید تحفظات ہیں، آئندہ کے لائحہ عمل کا تحریک انصاف کی جانب سے کی جانے والی پیش پارٹی سے مشاورت کے بعد اعلان کریں گے۔
