وزیراعظم کے مشیر رانا ثنا اللہ نے کہا ہے کہ تحریک انصاف نے ہمیشہ ریاست کے خلاف پرو پیگنڈا کیا، اس کی قیادت معصوم لوگوں کو ورغلا کر احتجاج میں لاتی ہے۔
نجی ٹی وی کے ساتھ گفتگو کرتے ہوئے رانا ثنا اللہ نے کہا کہ پختونوں سے متعلق پی ٹی آئی پروپیگنڈا کر رہی ہے،احتجاج کے دوران خیبرپختونخوا سے 15 سے 20 ہزار کےقریب مسلح لوگ اسلام آباد لائے گئے۔ ان کا کہنا تھا کہ احتجاج کے دوران قانون نافذ کرنے والے اداروں کے ڈھائی سو کے قریب اہلکار زخمی ہوئے، تحریک انصاف کے شرپسندوں نے سیدھی گولیاں ماری ہیں، جو لوگ پورے معاشرے کو تکلیف دیتے ہیں ان کا بھی احتساب ہونا چاہیے۔
رانا ثنا اللہ کا کہنا تھا کہ شاید اب پی ٹی آئی کبھی بھی احتجاج کی کال نہ دے سکے ،ہم پہلے بھی ان کے ساتھ مذاکرات کیلئے تیار تھے۔
