انسداد دہشت گردی پشاور کی خصوصی عدالت نے پولیس پر فائرنگ کے مقدمہ میں پی ٹی آئی کے رہنماء کامران بنگش پر فرد جرم عائد کر دی، ملزم کا صحت جرم سے انکار ۔۔۔ عدالت نے فرد جرم عائد ہونے کے بعد ملزم کے خلاف باقاعدہ ٹرائل شروع کردیا۔
پولیس پارٹی پر فائرنگ کیس میں نامزد پی ٹی آئی کے سابق صوبائی وزیر کامران بنگش کے مقدمے کی سماعت اے ٹی سی جج اسد اللہ نے کی، پراسیکیوشن کے مطابق تھانہ چمکنی پولیس نے پی ٹی آئی کے روپوش رہنماءمراد سعید کی گرفتاری کے لئے کامران بنگش کے حجرے پر چھاپہ مارا تھا،اس دوران کامران بنگش اور دیگر ساتھیوں نے پولیس پارٹی فائرنگ کی تھی جس سے دو پولیس اہلکار زخمی ہوگئے تھے، واقعہ 20 دسمبر 2023 کو پیش آیا تھا اور پولیس نے کامران بنگش اور دیگر کے خلاف دہشت گردی کا مقدمہ درج کیا ہے، پولیس نے تحقیقات مکمل کرکے چالان عدالت میں پیش کردیا، عدالت نے اگلی سماعت پر استغاثہ گواہان طلب کرتے ہوئے مقدمے کی مزید سماعت 20 جنوری تک ملتوی کردی۔
