اسلام آباد: قومی اسمبلی کے اجلاس میں سانحہ اے پی ایس پشاور کے شہدا کیلئے فاتحہ خوانی کی گئی اور شہدا کو خراج عقیدت پیش کرنے کی قرارداد بھی متفقہ طور پر منظور کی گئی ۔
قومی اسمبلی کے اجلاس میں قرارداد پیپلز پارٹی کی رہنما شازیہ مری نے پیش کی، قرارداد کے مطابق یہ ایوان قرار دیتا ہے کہ اے پی ایس کے شہید بچوں کی قربانی نے پورے پاکستان کو دہشتگردی کے خلاف متحد کیا ۔
قرارداد میں کہا گیا ہے کہ پاکستان کی حکومت ایوان اور عوام اعادہ کرتے ہیں کہ دہشتگردی کسی صورت برداشت نہیں کی جائے گی، یہ ایوان دہشتگردی کے خلاف فورسزکی قربانیوں کو خراج تحسین پیش کرتا ہے ۔
قراردار میں مزید کہا گیا ہے کہ یہ ایوان پاکستان کو دہشت گردی سے مکمل پاک کرنے کا اعادہ کرتا ہے ۔
