روس یوکرین جنگ میں ایک بار پھر شدت آگئی ہے۔
یوکرینی جنرل کے مطابق روس یوکرین جنگ میں ایک بار پھر سے شدت آگئی ہے، یوکرین کے مشرقی علاقے میں لڑائی شدید تیز ہوگئی ہے۔بین الاقوامی میڈیا کی رپورٹ کے مطابق یوکرینی جنرل نے کہا ہے کہ مشرقی یوکرین میں لڑائی کی صورتحال خراب ہوگئی ہے۔ یوکرینی فوجی تین مقامات پر سے نئی پوزیشنوں پر واپس لوٹ رہے ہیں۔مزید یوکرینی جنرل کا کہنا تھا کہ فوجی دستوں نے اپنی افواج کی حفاظت کیلیے مغربی دیہات میں پوزیشنیں سنبھال کر رکھ لی ہیں۔ماسکو سے خبر ایجنسی کی رپورٹ کے مطابق گزشتہ ہفتے روس نے یوکرین کی دفاعی تنصیبات اور بارودی گوداموں پر 35 میزائل اور ڈرون حملے کیے۔جبکہ خبرایجنسی کی رپورٹ کے مطابق یوکرین نے روس کے 21 میزائلوں کو مار گرانے کا دعویٰ کیا تھا۔
