کراچی: حاجی کیمپ میں میڈیا سے گفتگو کرتے ہوئے وفاقی وزیر مذہبی امور سردار محمد یوسف نے کہا ہے کہ میں یہاں عازمین حج کی ٹریننگ کے مراحل دیکھنے آیا ہوں، وزارت کا عملہ یہاں موجود ہے تاکہ انتظامی طور سب عازمین حج کو سمجھا سکیں ۔
وفاقی وزیر کا کہنا تھا کہ اس سال سرکاری سکیم کے تحت 89 ہزار عازمین حج کی ادائیگی کریں گے، باقی تیاریاں بھی مکمل ہیں، کوشش ہے کہ کسی کو کوئی مشکلات درپیش نہ ہوں۔ وزیراعظم نے میری ذمے داری لگائی ہے کہ تمام انتظامات اچھے ہوں ۔
وزیر مذہبی امور کا کہنا تھا کہ 2013 سے 2018 تک کا اچھا تجربہ رہا ہے۔ سب سے سستا اور اچھا انتظام اس وقت کیا گیا تھا ۔ اس وقت دوبارہ ذمے داری عائد کی گئی ہے کہ زیادہ سے زیادہ سہولیات فراہم کی جائیں۔ کراچی سے 21600 عازمین روانہ ہوں گے۔
سردار محمد یوسف نے بتایا کہ پاکستان سے جو عازمین حج کیلئے جائیں گے، کوشش ہے ان کی تعلیمات اور سہولیات مکمل ہوں۔ ہر گروپ کے ساتھ ناظم ہوگا تاکہ کوئی مسئلہ درپیش نہ آئے ۔
انہوں نے کہا کہ مکہ میں حجاج کرام اور عزیزیہ میں سب کے لیے اچھی عمارتیں لی گئی ہیں۔ وہاں اسپلٹ اے سی کا انتظام بھی کیا گیا ہے۔ اسی طرح اس سال ایگریمنٹ میں شامل ہے کہ شیلف لگائے جائیں، ٹرانسپورٹ کا انتظام بھی بہترہے ۔
