بنوں میں سیکیورٹی فورسز نے خفیہ اطلاع کی بنیاد پر کارروائی کی ہے جس میں 6 دہشت گرد ہلاک ہوگئے جبکہ 4 مزید زخمی بھی ہوگئے ۔
پاک فوج کے شعبہ تعلقات عامہ کی جانب سے جاری بیان کے مطابق 23 اور 24 اپریل کی درمیانی شب سیکیورٹی فورسز نے ضلع بنوں میں خفیہ اطلاعات کی بنیاد پر دہشت گردوں کی موجودگی کی خفیہ اطلاع پر آپریشن کیا ۔
آئی ایس پی آ نے کہا ہے کہ کارروائی کے دوران سیکیورٹی فورسز نے مؤثر طریقے سے دہشت گردوں کے ٹھکانے کو کامیابی سے نشانہ بنایا ۔
آئی ایس پی آر نے مزید بتایا کہ آپریشن کے دوران دہشتگردوں کیساتھ شدید فائرنگ کے تبادلے میں 6 دہشتگرد ہلاک جبکہ 4 دہشت گرد زخمی ہوگئے ۔
بیان میں مزید کہا گیا کہ علاقے میں کلیئرنس اور سینیٹائزیشن آپریشن جاری ہے تاکہ کسی بھی چھپے ہوئے دہشت گرد کو انجام تک پہنچایا جا سکے، سیکیورٹی فورسز ملک سے دہشت گردی کے مکمل خاتمے کے لیے پرعزم ہیں ۔
