آئی ایس پی آر کی جانب سے جاری بیان کے مطابق جنوبی وزیرستان کے علاقے کڑمہ میں سکیورٹی فورسز اور دہشتگردوں کے درمیان فائرنگ کا تبادلہ ہوا ہے ۔
آئی ایس پی آر کے بیان میں کہا گیا ہے کہ جھڑپ 5 دہشتگرد ہلاک کردیے گئے جبکہ مقابلے میں وطن کے چار بہادر جوانوں نے جام شہادت نوش کیا۔
آئی ایس پی آر کا مزید کہنا تھا کہ شہید ہونے والوں میں نائب صوبیدار تائب شاہ، لانس نائیک گلاب زمان، لانس نائیک حبیب اللہ اور لانس نائیک مزمل محمود شامل ہیں۔
آئی ایس پی آر کا کہنا ہے علاقے میں دہشتگردوں کے مکمل کے خاتمے کے لیے کلیئرنس آپریشن کیا جا رہا ہے۔
آئی ایس پی آر کے بیان میں کہا گیا کہ پاکستان کی سکیورٹی فورسز دہشت گردی کی لعنت کو ختم کرنے کے لیے پرعزم ہیں ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
