سندھ ہائیکورٹ نے اسٹیل ٹاؤن سے 5 سال سےلاپتا افراد کی عدم بازیابی پر برہمی کا اظہار کیا ہے۔
سندھ ہائیکورٹ کے جسٹس نعمت اللہ پھلپوٹو نے لاپتا افرادکی بازیابی سے متعلق درخواستوں پر سماعت کی جس کے دوران تفتیشی افسر غیر حاضر تھے۔دوران سماعت جسٹس نعمت اللہ پھلپوٹو نے ریمارکس میں کہا ہے کہ عدالت کو لاپتا شہریوں کی عدم بازیابی پر بے حد تشویش ہے، اہل خانہ کی داد رسی کرنا وقت کی ضرورت ہے۔عدالت نے کہا ہےکہ کوئی شک نہیں صوبائی ٹاسک فورس اور جے آئی ٹیزکے اجلاس ہورہے ہیں، بہت سے کیسز میں برسوں سے نتائج صفر آرہے ہیں، آخر کار تفتیشی افسران کس مرض کی دوا ہیں، سنجیدہ اقدامات کیوں نہیں کرتے؟اس کے بعد عدالت نے لاپتاافراد کی بازیابی سے متعلق صوبائی، وفاقی حکومت اور دیگر اداروں سے رپورٹس طلب کرلی۔عدالت نے عدم پیشی پر کیس کے تفتیشی افسر کے وارنٹ گرفتاری جاری کر دی اور اس کے ساتھ ہی درخواستوں کی مزید سماعت 13 اگست تک ملتوی کردی ہے۔
