پشاور کے علاقے تہکال پایان میں ایک رہائشی گھر میں آتشزدگی کے نتیجے میں ایک ہی خاندان کے 6 افراد جاں بحق ہوگئے۔
ریسکیو 1122 کے مطابق آگ لگنے کے بعد امدادی ٹیمیں فوری طور پر موقع پر پہنچیں اور کارروائی کرتے ہوئے آگ پر قابو پالیا۔ سرچ آپریشن کے دوران گھر کے ایک کمرے سے میاں، بیوی اور بچوں سمیت 6 افراد کی لاشیں برآمد ہوئیں۔
ریسکیو حکام کا کہنا ہے کہ ابتدائی اطلاعات کے مطابق اموات آگ کی شدت اور دھویں کے باعث ہوئیں۔ آگ مکان کے ہال میں لگی تھی جہاں فرنیچر، فوم اور دیگر سامان موجود تھا، جس کی وجہ سے آگ تیزی سے پھیل گئی۔
ریسکیو 1122 کے مطابق آتشزدگی کی وجوہات تاحال معلوم نہیں ہوسکیں، جبکہ واقعے کی تحقیقات جاری ہیں۔
