امریکی شہر بالٹی مور میں پل گرنے کے واقعے میں 6 افراد ہلاک ہوگئے۔ امریکی کاسٹ گارڈ کو سخت موسم اور حد نگاہ کم ہونے کے باعث رات کے وقت ریسکیو آپریشن میں دشواری کا سامنا رہا
غیر ملکی خبررساں ادارے کے مطابق گزشتہ روز بالٹی مور میں کنٹینرز سے لدے بڑے بحری جہاز کے ٹکرانے سے پل ٹوٹ گیا تھا۔ پل کا ایک حصہ منہدم ہونے کے باعث کئی گاڑیاں بھی پانی میں گرگئی تھیں۔حکام نے بتایا کہ غوطہ خور ٹیموںنے اندھیرے میں ملبے سے بھرے ہوئے پانی میں ریسکیو آپریشن کیا۔اس دوران امریکی کاسٹ گارڈ کو سخت موسم اور حد نگاہ کم ہونے کے باعث رات کے وقت ریسکیو آپریشن میں دشواری کا سامنا رہا۔ حادثے کے تقریبا 18گھنٹے بعد ریسکیو آپریشن روک دیا گیا۔کوسٹ گارڈحکام نے کہا کہ ٹھنڈے پانی اور حادثے کے بعد کئی گھنٹے گزر جانے کی وجہ سے لاپتا کارکنوں کے زندہ ملنے کی کوئی امید نہیں۔ حادثے کے وقت پل پر 8مزدور کام رہے تھے۔جن میں سے 6 مزدور دریا میں گر کر لاپتا ہوگئے جبکہ دیگر 2 مزدوروں کو ریسکیو کرلیا گیا۔
