فیڈرل بورڈ آف ریونیو یعنی ایف بی آر نے کارروائی کرتے ہوئے کراچی پورٹ پر گدھوں کی کھالوں کی سمگلنگ کو ناکام بنادیا ۔
کراچی: ایف بی آر ترجمان کے مطابق 285 پارسلز چمڑے کی مصنوعات بتا کر چین بھیجے جارہے تھے تاہم ایف بی آر نے پورٹ پرکارروائی کرتے ہوئے گدھوں کی کھالوں کی سمگلنگ کو ناکام بنادیا ۔
فیڈرل بورڈ آف ریونیو کے ترجمان کا مزید کہنا تھا چیکنگ کے دوران پارسل میں سےگدھوں کی 14 ہزارکھالیں نکلیں ۔
ترجمان ایف بی آر کا مزید بتانا ہے کہ ایکسپورٹ پالیسی کے تحت گدھےکی کھال کی برآمد پر پابندی عائد ہے ، مزید تفتیش جاری ہے ۔
