مودی حکومت نے ایکس پر 2 لاکھ بھارتیوں کے سوشل میڈیا اکاؤنٹس بند کرا دیے ہیں
ہندوتوا مودی حکومت نے بھارت میں سوشل میڈیا پلیٹ فارم ایکس پر اپنے مخالفین کے دو لاکھ سے زائد اکاؤنٹس دہشت گردی اور نازیبا قسم کا مواد پھیلانے کے الزام کے باعث بند کرا دیے ہیں۔ٹائمز آف انڈیا کی رپورٹ میں یہ انکشاف کیا گیا ہے کہ رواں سال مودی حکومت نے 26 فروری سے 25 مارچ کے دوران بھارت میں 2 لاکھ 13 ہزار سے زائد ایکس اکاؤنٹ بند کرائے ہیں۔
ایک بیان میں سوشل میڈیا پلیٹ فارم ایکس کی انتظامیہ نے وضاحت پیش کی ہے کہ ان اکاؤنٹس کو مختلف الزامات کے تحت موصول ہونے والی شکایات کا جائزہ لینے کے بعد بند کیا گیا ہے،X کی انتظامیہ کو اس کارروائی کے لیے5158 شکایات موصول ہوئی تھیں۔مزید بیان میں کہا گیا ہے کہ بند کیے گئے اکاؤنٹس سے بچوں کے جنسی استحصال سے متعلق اور نازیبا مواد اپ لوڈ کیا جا رہا تھا۔جس کی وجہ سے ان اکاؤنٹس کو بند کیا گیا ہے۔
