آئی ایس پی آر نے اپنے بیان میں کہا ہے کہ جنوبی وزیرستان میں سکیورٹی فورسز اور دہشتگردوں کے درمیان فائرنگ کے تبادلہ ہوا ہے ۔
آئی ایس پی آر کے مطابق فائرنگ کے تبادلے میں 6دہشتگرد ہلاک کردیے گئے ہیں۔
آئی ایس پی آر نے کہا ہے کہ دہشتگردوں کے ساتھ شدید فائرنگ کے تبادلے کے دوران 4 بہادر جوان شہید ہو گئے۔
آئی ایس پی آر کے مطابق بہادری سے دہشتگردوں کا مقابلہ کرتے ہوئے حوالدار نثارحسین ، نائیک رشید گل ،نائیک عرفان اللہ خان اور سپاہی عثمان رفاقت دہشتگردوں کیساتھ فائرنگ کے تبادلے میں شہید ہوئے۔
آئی ایس پی آر کہنا تھا کہ سکیورٹی فورسز دہشتگردی کی لعنت کوختم کرنے کیلئے پرعزم ہیں، ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
آئی ایس پی آر کے مطابق علاقے میں دہشتگردوں کو ختم کرنے کیلئے کلیئرنس آپریشن جاری ہے۔
