شمالی وزیرستان کے طلبا کا ملٹری اکیڈمی کاکول کا دورہ ، پاک فوج کی جانب سے’علم ٹولو د پارہ’ کے تحت شمالی وزیرستان کے طالب علموں نے پشاور اور ایبٹ آباد کے تاریخی مقامات کا دورہ کیا۔ طلبا کو خصوصی طور پر پاکستان ملٹری اکیڈمی کاکول بھی دکھائی گئی۔
پاک فوج کی جانب سےعلم ٹولو دپارہ کے تحت شمالی وزیرستان کی تحصیل غلام خان اور میران شاہ کے مدارس کے طلباء کو چار روزہ پشاور اور ایبٹ آباد کا دورہ کرایا گیا۔ طلباء نے پشاور میں اسلامیہ یونیورسٹی، پشاور میوزیم اور قلعہ بالا حصار جبکہ ایبٹ آباد میں پاکستان ملٹری اکیڈمی کاکول، فرنٹیئر فورس ریجمینٹل سینٹر اور شملہ پہاڑی کا دورہ کیا۔
طلبا کو پشاورمیوزیم اورقلعہ بالا حصارمیں کے تاریخی پس منظر سے آگاہ کیا گیا، طلباء نے پاکستان ملٹری اکیڈمی کاکول کےدورے پر پاک فوج کی بے پناہ قربانیوں کو زبردست خراج تحسین پیش کیا۔
دورےکا مقصد شمالی وزیرستان کےمدارس کےنوجوانوں کی شخصیت میں نکھار پیدا کرنا تھا،طلباء نےاس موقع کی فراہمی پر پاک فوج کا بھرپور شکریہ ادا کیا۔
