ایف سی بلوچستان (نارتھ) کی طرف سے دیگر اداروں کے ساتھ مل کر بلوچستان کے مختلف علاقوں میں انسداد اسمگلنگ کی کامیاب کارروائیاں کی گئی ہیں۔
18 مئی تا 11 جون 2024 کے دوران ڈیرہ اللہ یار، بارکھان، پشین، چمن، نوشکی اور مستونگ کے مختلف علاقوں میں 380 ملین سے زائد مالیت کی غیر قانونی چیزوں کی اسمگلنگ کو ناکام بنا دیا گیا ہے۔ ضبط کی گئی اشیاء میں ایرانی ڈیزل 97,000 لیٹرز، 1313 ٹائرز ،سگریٹس 377 کارٹنز اور بیٹل نٹس 90 میٹرک ٹن شامل تھیں۔
دیگر اشیاء جن میں فرٹیلائزرز، نان کسٹمز پیڈ گاڑیاں اور موبائل فونز شامل تھے، ان سب کو بھی ضبط کر لیا گیا ہے۔ان تمام اشیاء کوکسٹمز حکام کے حوالے کردیا گیا ہے۔ یہ اشیاء اسمگلرز ٹرکوں، مسافر بسوں اور خفیہ راستوں کے ذریعے اسمگل کر رہے تھے، جسے بروقت کارروائی کرتے ہوئے ایف سی بلوچستان (نارتھ) کی طرف سے ناکام بنادیا گیا۔
