سوات میں تحصیل مٹہ میں نجی اسکول کی چھت گر گئی۔چھت گرنے سے متعدد بچے زخمی ہوگئے ہیں۔
ذرائع کے مطابق سوات کی تحصیل مٹہ کے علاقے ٹانگار میں نجی اسکول کی چھت گرنے سے 19 بچے زخمی ہوگئے ہیں،اس واقعے کی اطلاع ملتے ہی اسکول میں فوری طور پر امدادی کارروائیاں شروع کردی گئیں ہیں اور بچوں کو طبی امداد کے لیے اسپتال بھی منتقل کردیا گیا ہے۔
ریسکیو ذرائع کے مطابق یہ اسکول پہاڑی علاقے میں واقع ہے اور اس اسکول کے کچھ کمروں کی چھت کچی تھی۔ نرسری کے بچوں کے کمرے کی چھت نیچے گری ہے۔اس حادثے میں 3 بچے شدید زخمی ہوئے ہیں اور ان کوتشویشناک حالت میں سیدو شریف اسپتال منتقل کردیا گیا ہے۔ریسکیو ذرائع کے مطابق اس حادثے میں زخمی ہونے والے بچوں کی عمریں 5 سے لے کر 6 سال کے درمیان ہیں۔
