قومی کرکٹ ٹیم کا دورہ برطانیہ ٹی ٹوئنٹی سیریز میں شکست کھانے کے بعد مکمل ہوگیا ہے۔شکست کے بعد ٹیم اب ٹی ٹوئنٹی ورلڈ کپ مشن کے لیےامریکا کی جانب روانہ ہوگئی ہے۔
قومی کرکٹ ٹیم کے اراکین دو گروپس میں لندن سے امریکا کے شہر ڈیلاس کے لیے روانہ ہوا جس میں پہلا گروپ 19 جبکہ اس کے برعکس دوسرا گروپ 9 ارکان پر مشتمل ہے۔قومی کپتان بابر اعظم کی قیادت میں محمد رضوان اور شاہین آفریدی سمیت 19 ارکان امریکہ کی جانب روانہ ہوگئے ہیں جبکہ 9 ارکان پر مشتمل دوسرا گروپ کچھ دیر بعد دوسری فلائٹ سے روانہ ہوگا۔پاکستان 6 جون کو ورلڈ کپ میں اپنی مہم کا آغاز ڈیلاس میں میزبان امریکا کے خلاف میچ سے کرے گا جبکہ اس کے برعکس 9 جون کو نیویارک میں روایتی حریف بھارت سے مقابلہ ہوگا۔
پہلی بار ریکارڈ ٹی ٹوئنٹی ورلڈ کپ میں 20 ٹیمیں شرکت کر رہی ہیں جنہیں 5، 5 ٹیموں کے چار گروپس میں تقسیم کیا گیا ہے۔پاکستان اے گروپ میں ہے جس میں بھارت کے علاوہ آئرلینڈ، کینیڈا اور امریکا شامل ہیں۔یاد رہے کہ کل سے ٹی ٹوئنٹی ورلڈ کپ کا آغاز امریکا اور ویسٹ انڈیز کی مشترکہ میزبانی میں ہو رہا ہے۔ میگا ایونٹ کے ابتدائی مرحلے کے میچز امریکا میں ہوں گے اور اس کے ساتھ ہی کل میزبان امریکا اور کینیڈا میں مقابلہ ہوگا۔
