خیبر: لنڈی کوتل میں چاروازگئی پولیس چیک پوسٹ پر دہشتگردوں نے حملہ کیا ،جس کے نتیجے میں ایک اہلکار عالمزیب آفریدی سمیت 2 افراد شہید جبکہ 3 زخمی ہو گئے۔
سیکیورٹی ذرائع کےمطابق حملے کے دوران پولیس اور دہشتگردوں کے درمیان شدید فائرنگ کا تبادلہ بھی ہوا، جس کے باعث چیک پوسٹ کے قریب واقع پیٹرول پمپ میں متعدد شہریوں کے زخمی ہونے کی بھی اطلاع ہیں، زخمیوں کو فوری طبی امداد کیلئے مقامی ہسپتال منتقل کر دیا گیا۔
پولیس کی جوابی کارروائی کے بعد ملزمان فرار ہونے میں کامیاب ہو گئے، تاہم پولیس نے مختلف مقامات پر سرچ آپریشن شروع کر دیا۔
