بنگلادیش کے خلاف ٹیسٹ سیریز کیلئے پاکستان کرکٹ بورڈ نے قومی ٹیم کے 17 رکنی سکواڈ کا اعلان کردیا۔
پی سی بی کے مطابق دونوں ٹیموں کے درمیان سیریز کا پہلا ٹیسٹ میچ 21 سے 25 اگست تک راولپنڈی کرکٹ سٹیڈیم جبکہ دوسرا ٹیسٹ میچ کراچی میں 30 اگست سے 3 ستمبر تک کھیلا جائے گا۔
دیگر کھلاڑیوں میں کپتان شان مسعود، سعود شکیل ( نائب کپتان)، بابر اعظم، محمد رضوان ( وکٹ کیپر)، عامر جمال ( فٹنس سے مشروط)، عبداللہ شفیق، ابرار احمد، کامران غلام، خرم شہزاد، میر حمزہ، محمد علی، محمد ہریرہ، نسیم شاہ، صائم ایوب، سلمان علی آغا، سرفراز احمد (وکٹ کیپر) اور شاہین شاہ آفریدی شامل ہیں
پی سی بی نے کہا ہے کہ پاکستان ٹیسٹ اسکواڈ کا ٹریننگ کیمپ 11 اگست سے راولپنڈی کرکٹ اسٹیڈیم میں شروع ہوگا،
ریڈ بال فارمیٹ کے ہیڈ کوچ جیسن گلیسپی اور اسسٹنٹ کوچ اظہر محمود کیمپ کی نگرانی کریں گے۔
دوسری جانب بنگلادیش کی ٹیسٹ ٹیم 17 اگست کی صبح اسلام آباد پہنچے گی اور توقع ہے کہ وہ اسی روز دوپہر کو ٹریننگ کرے گی۔
