بانی پی ٹی آئی عمران خان کے پروڈکشن آرڈر عدالت نے جاری کر دیئے ہیں
ضمانت کے کیس میں اسلام آباد کی مقامی عدالت نے بانی پی ٹی آئی عمران خان کے پروڈکشن آرڈر جاری کر دیئے ہیں۔اسلام آباد کی ڈسٹرکٹ اینڈ سیشن عدالت میں بانی پی ٹی آئی کی 6 اور بشری بی بی کی ایک مقدمے میں درخواست ضمانت کی سماعت ہوئی، سماعت کیس کی ایڈیشنل سیشن جج طاہر عباس سپرا نے کی۔وڈیو لنک پر عدالتی حکم کے باوجود بانی پی ٹی آئی کی حاضری نہ لگوائی جاسکی۔حکم کے باوجود جبکہ جیل سپرنٹنڈنٹ اڈیالہ آج بھی عدالت می پیش نہ ہوئے،بانی پی ٹی آئی کے پروڈکشن آرڈر عدالت نےجاری کر دیئے اور سپرنٹینڈنٹ اڈیالہ جیل کو حکم دیا گیا ہے کہ 4 اپریل کو بانی پی ٹی آئی کو پیش کیا جائے۔
یاد رہے کہ اسلام آباد کی گزشتہ سماعت پر بھی ایڈیشنل ڈسٹرکٹ اینڈ سیشن عدالت نے اڈیالہ جیل حکام کو ویڈیو لنک سسٹم ٹھیک کروا کر بانی پی ٹی آئی کی حاضری لگوانے کا حکم دے دیا تھا۔واضح رہے کہ بانی پی ٹی آئی کے خلاف تھانہ ترنول ، رمنا ، سیکرٹریٹ ، کوہسار ، اور تھانہ کراچی کمپنی میں 6 مقدمات درج ہیں۔بشری بی بی کے خلاف جبکہ تھانہ کوہسار میں توشہ خانہ جعلی رسیدوں کا مقدمہ درج ہے۔
