مشیر اطلاعات خیبرپختونخوا بیرسٹرسیف کے مطابق علی بابا 40 چوروں سے تحریک انصاف کی مقبولیت برداشت نہیں ہو رہی ہے۔
مشیر اطلاعات خیبر پختونخوا بیرسٹرسیف نے کہا کہ مینڈیٹ چورسرکار پی ٹی آئی پرلاکھ قسم کی پابندیاں لگائیں لیکن ہم ملک کو چھوڑنے اور ڈیل کرنے والوں میں سے نہیں ہیں۔ تحریک انصاف ایک نظریے کا نام ہے اور نظریے کو کبھی بھی ختم نہیں کیا جاسکتا ہے،شریف خاندان دو بار عوام کو مشکل حالات میں چھوڑ کر ملک سے بھاگ چکا ہے۔
ان کے مطابق گزشتہ 20 ماہ سے پی ٹی آئی نے تمام پابندیوں کا صبر سے مقابلہ کیا ہے،ہم اس ملک میں ہی رہ کر تمام مظالم اور غیر آئینی اقدامات کا ڈٹ کا مقابلہ کریں گے، پی ٹی آئی کی جنگ آئین کی بالادستی اور ملک سے کرپٹ سیاسی ٹولے کے خلاف ہمیشہ جاری رہے گی، جتنی مرضی پابندیوں لگائی جائے اس سے کبھی بھی کسی سیاسی جماعت یا تحریک کا خاتمہ نہیں کیا جاسکتا ہے۔پی ٹی آئی پر پابندی لگا کر جعلی حکومت اپنے پاؤں پر خود ہی کلہاڑی مار رہی ہے۔
