قومی ٹیم کے فاسٹ بولر عامر جمال منفرد اعزاز کو اپنے نام کرنے میں کامیاب ہوگئے۔سابق کرکٹر وسیم اکرم کا ریکارڈ بھی فاسٹ بولرعامرجمال نے توڑ دیا
آسٹریلیا کے خلاف ٹیسٹ میچ کی اننگ میں عامر جمال 50 سے زائد رنز اور 6 وکٹیں لینے والے پہلے پاکستانی کھلاڑی بن گئے ہیں۔آسٹریلیا کے خلاف سڈنی میں تیسرے ٹیسٹ میچ کی پہلی اننگ میں عامر جمال نے 82 رنز بنائے تھے اور 6 وکٹیں حاصل کی تھیں۔اس سے قبل وسیم اکرم نے 1990ء میں آسٹریلیا کے خلاف 52 اور 123 رنز کی اننگز کھیلی تھیں اور ایک اننگ میں پانچ اور دوسری اننگ میں ایک وکٹ لی تھی۔
