پاکستان اور بنگلادیش کے درمیان راولپنڈی کرکٹ سٹیڈیم میں ہونے والے دوسرے ٹیسٹ کے پہلے دن کا کھیل بارش کے باعث منسوخ کردیا گیا۔
جڑواں شہروں راولپنڈی ا ور اسلام آباد میں جمعے کی صبح سے وقفے وقفے سے بارش کا سلسلہ جاری رہا جس کے باعث دوسرے ٹیسٹ کے پہلے روز کے کھیل کو منسوخ کیا گیا ۔
بارش اور گیلی آؤٹ فیلڈ کے باعث راولپنڈی ٹیسٹ میں پہلے دن کا کھیل ممکن نہیں تھا اور میچ کا ٹاس بھی نا ہوسکا۔
بارش کے باعث راولپنڈی کرکٹ سٹیڈیم کی بیشتر آؤٹ فیلڈ پر پانی جمع ہونے کے باعث پچ کو مکمل ڈھانپ دیا گیاہے۔
واضح رہے کہ دو ٹیسٹ میچوں کی سیریز کے پہلے میچ میں بنگلا دیش نے پاکستانی ٹیم کو 10 وکٹوں سے شکست دی تھی اور سیریز میں بنگلا دیش کو 0-1 کی برتری حاصل ہے۔
