پشاور: رمضان المبارک 1446 ہجری کا چاند دیکھنے کے لیے مرکزی رویتِ ہلال کمیٹی کا اجلاس مولانا عبدالخبیر کی صدارت میں اوقاف ہال پشاور میں منعقد ہوا ۔
اجلاس میں کمیٹی اراکین، محکمہ موسمیات، سپارکو اور دوسرے اداروں کے نمائندوں نے شرکت کی ۔
اجلاس کے بعد نیوز کانفرنس کرتے ہوئے مرکزی رویتِ ہلال کمیٹی کے چیئرمین مولانا عبدالخبیر آزاد نے کہا کہ پورے ملک میں مطلع ابر آلود رہا ۔
انہوں نے کہا کہ پورے پاکستان کے کسی بھی مقام سے رمضان المبارک کا چاند نظر آنے کی کوئی شہادت موصول نہیں ہوئی اور ملک بھر میں عدم رویت رہی ۔
رویت ہلال کمیٹی کے چیئرمین کا کہنا تھا کہ اسلام آباد،کراچی، لاہور اور کوئٹہ کی زونل کمیٹیوں کو بھی چاند نظر آںے کے شواہد موصول نہیں ہوئے ۔
مولانا عبدالخبیر آزاد نے کہا کہ اتفاق رائے سے فیصلہ کیا گیا ہے کہ یکم رمضان المبارک 1446 ہجری 2 مارچ 2025 بروز اتوار کو ہو گی ۔
