پشاور: وزیراعلیٰ خیبر پختونخوا علی امین گنڈا پور نے حکومت کو دھمکی دیتے ہوئے کہا ہے کہ بانی پی ٹی آئی کی کوئی شکایت آئی تو پورے ملک کو بند کر دیں گے۔ انہوں نے کہا حکومت ہمیں مجبور کر رہی ہے کہ ہم پر امن نہ رہیں۔
دوسری جانب وزیراعلیٰ ہاؤس میں جلسے سے متعلق اجلاس کی اندرونی کہانی بھی سامنے آگئی جس میں وزیراعلیٰ نے پشاور جلسے کے لیے شہر کے ہرحلقے سے ایک ہزار کارکنان لانےکی ہدایت کی جب کہ دیگر اضلاع سے ہر ایم پی اے کو 500 سے زیادہ کارکنان لانے کے ہدایت کی گئی ہے۔
ذرائع کے مطابق ممبران نے مردان میں جلسہ کرنے کی تجویز دی تو علی امین گنڈا پور نے کہاکہ بانی پی ٹی آئی کی ہدایت پرجلسہ پشاورمیں کررہے ہیں اورکوئی رکاوٹ نہیں ہوگی۔
