کے پی حکومت کی طرف سے بلوچستان شہداء کے لئے 10،10 لاکھ روپے امداد کا اعلان کردیا گیا ہے، صوبائی حکومت نے بھرپور طریقے سے ان دہشت گردی کے واقعات کی مذمت کی ہے۔
مشیر خزانہ خیبرپختونخوا مزمل اسلم کے مطابق بلوچستان کے تمام شہداء کیلئے خیبرپختونخوا حکومت کی طرف سے 10،10 لاکھ روپے امداد کا اعلان کیا گیا ہے۔
خیبرپختونخوا حکومت کی طرف سے بلوچستان میں دہشت گردی کے واقعات میں شہید ہونے والوں کیلئے پیکج کا اعلان کردیا گیا ہے۔
مشیر خزانہ خیبرپختونخوا مزمل اسلم نے کہا کہ وزیراعلی کے پی علی امین گنڈاپور نے شہداء پیکج کا اعلان کیا ہے۔اس کے ساتھ ہی انہوں اس واقعے کی شدید مذمت بھی کی ہے۔صوبائی حکومت ان واقعات میں شہید ہونے والے تمام لواحقین سے ہمدردی کا اظہار کرتی ہے۔
مزمل اسلم کے مطابق شمالی وزیرستان میں بھی دہشت گردی کے واقعات رونما ہوئے ہیں، جس کے نتیجے میں پانچ افراد جان کی بازی ہار گئے، ان جاں بحق ہونے والے افراد کے لیے بھی صوبائی حکومت کی طرف سے شہداء پیکج کا اعلان کیا گیا ہے۔
واضح رہے کہ کے پی حکومت کی طرف سے بلوچستان اور شمالی وزیرستان کے شہداء کیلئے یکساں طور پر امداد کا اعلان کردیا گیا ہے،اور اس کے ساتھ ہی صوبائی حکومت بھرپور طریقے سے ان دہشت گردی کے واقعات کی مذمت کرتی ہے۔
