سرکاری ذرائع نے کہا ہے کہ لوئر کرم میں بگن کے قریب قافلے پے حملے میں ملوث شر پسندوں کی نشان دہی کر لی گئی ۔
ذرائع نے کہا ہے کہ شر پسندوں کی تلاش کے لئے ضلعی انتظامیہ اور پولیس کی زیر نگرانی سرچ آپریشن جاری ہے جبکہ سیکورٹی فورسز سپورٹ کے لئے موجود ہیں ۔
اب تک 19 شر پسندوں کی نشان دہی کے بعد ایف آئی آر درج کر لی گئی ہے، لوئر کرم میں بگن اور گرد و نواح کے علاقوں کو خالی کروا لیا گیا ہے ۔
سرکاری ذرائع نے مزید کہا ہے کہ امن معائدے کے مطابق پورے کرم سے مرحلہ وار ہتھیار جمع کیے جائیں گے ، معائدے کے مطابق تمام قومی بنکرز کو بھی توڑا جائے گا ۔
ریاست نے کرم میں شر پسندوں کے خلاف بلا تفریق سخت کاروائی کا فیصلہ کر لیا ہے جن سے آہنی ہاتھوں سے نمٹا جائے گا ۔
