قومی کرکٹ ٹیم ٹی 20 ورلڈ کپ کے پہلے میچ میں امریکا سے شکست کھانے کے بعد بھارت کے خلاف میچ کھیلنے کے لئے نیویارک پہنچ گئی ہے۔
ذرائع کے مطابق قومی کرکٹ ٹیم ڈیلس سے نیویارک پہنچ گئی ہے، قومی کرکٹ ٹیم تقریبا چار گھنٹے کی مسافت طے کرنے کے بعد نیویارک پہنچ گئی ہے، جہاں پر ٹیم آج مکمل آرام کرے گی۔نیویارک میں قومی ٹیم ٹی ٹوئنٹی ورلڈ کپ کے 2 میچز کھیلے گی، پہلا میچ 9 جون کو بھارت میں ہوگا ،جبکہ11 جون کو کینیڈا سے ہوگا۔
یاد رہے کہ آئی سی سی مینز ٹی ٹوئنٹی ورلڈکپ میں امریکا نے پاکستان کو سپر اوور میں شکست دی ہے اور اس طرح مسلسل دوسری کامیابی حاصل کی ہے۔امریکا نے سپر اوور میں پاکستان کو جیت کیلئے 19 رنز کا ہدف دیا، جبکہ اس کے برعکس پاکستانی ٹیم صرف 13 رنز ہی بناسکی۔
