سینیٹ کے انتخابات کےلیے مراد سعید، اعظم سواتی اور سابق وزیراعلیٰ خیبرپختونخوا محمود خان کے کاغذات نامزدگی مسترد کر دئیے گئے۔
ذرائع کے مطابق سینٹ انتخابات کے لئے خیبر پختونخوا سے جنرل سیٹوں کے 25 امیدواروں میں سے 16 کاغذات نامزدگی منظور ہوگئے۔ ٹیکنوکریٹس نشست پر اعظم سواتی کے کاغذات نامزدگی بھی مسترد کردیے گئے جبکہ امیر مقام کے صاحبزادے نیاز احمد کے کاغذات نامزدگی منظور کرلیے گئے۔
واضح رہے کہ اپوزیشن جماعتوں نے پی ٹی آئی کے مراد سعید پر مفرور ہونے، فیصل جاوید پر جائیداد ظاہرنہ کرنے اور اعظم سواتی کو قومی اسمبلی کے لئے نااہل قرار دینے کی بنا پر اعتراضات کئے گئے تھے۔
