پشاور سمیت خیبرپختونخوا میں کے 17 اضلاع میں ضمنی بلدیاتی انتخابات کے لیے پولنگ کا عمل مکمل ہونے کے بعد اب ووٹوں کی گنتی کا عمل جاری ہے ۔
ضمنی بلدیاتی انتخابات کے لیے ووٹنگ صبح 8 بجے شروع ہوئی جو بغیر کسی وقفے کے شام 5 بجے تک جاری رہی ۔
الیکشن کمیشن کے مطابق ضمنی بلدیاتی انتخابات کے لیے پولنگ پشاور،نوشہرہ، چارسدہ، صوابی، کوہاٹ، کرک، لکی مروت، ڈی آئی خان، ٹانک ،سوات، شانگلہ، بونیر، دیر لوئر اور باجوڑ ،ایبٹ آباد، مانسہرہ، کولائی پالس، میں پرامن طریقے سے منتعقد ہوئی ۔
الیکشن کمیشن نے کہا ہے کہ ضمنی بلدیاتی انتخابات کیلئے صوبے میں 260 پولنگ سٹیشنز قائم ہیں اور رجسٹرڈ ووٹرز کی تعداد 3 لاکھ 45 ہزار 604 ہے جبکہ انتہائی حساس پولنگ اسٹیشنز پر سکیورٹی کیمرے بھی نصب کیے گئے ہیں۔
الیکشن کمیشن کا مزید کہنا ہے کہ 53 ویلیج و نیبرہڈ کونسلز کی 54 خالی نشستوں پر ضمنی انتخابات کیلئے پولنگ ہوئی جبکہ پشاور کی 5 ویلیج کونسلز میں ضمنی انتخابات کیلئے 13 امیدوار میدان میں ہیں۔
پولیس کے مطابق صوبے بھر میں ضمنی بلدیاتی الیکشن کے لیے 6500 سے زائد سیکیورٹی اہلکار تعینات تھے جبکہ پشاور میں 800 سے زیادہ اہلکار سکیورٹی کے فرائض انجام دیئے۔
