بیلا روس کے دورے پر گئے وزیراعظم محمد شہباز شریف اور ن لیگ کے سربراہ و سابق وزیراعظم نوازشریف کے اعزاز میں صدر الیگزینڈر لوکاشینکو کی جانب سے اپنے فارم ہاؤس پر عشائیے کا اہتمام کیا گیا۔
بیلا روس کے صدر کی جانب سے دیے گئے عشائیے میں سابق وزیراعظم نواز شریف ، وزیر اعلیٰ پنجاب مریم نواز شریف ، نائب وزیراعظم و وزیر خارجہ اسحاق ڈار اور پاکستانی وفد میں شامل دیگر اراکین نے شرکت کی ۔
اس موقع پرصدر لوکاشینکو نے وزیراعظم شہباز شریف اور سابق وزیراعظم نواز شریف کے لئے غیر معمولی گرمجوشی کا اظہار کیا ۔
وزیراعظم شہبازشریف اور نوازشریف نے پرتپاک استقبال اور مہمان نوازی پر صدر لوکاشینکو کا شکریہ ادا کیا ۔
