وزیراعظم متحدہ عرب امارات کے ایک روزہ دورے پر روانہ ہوگئے ہیں۔
وزارت عظمٰی کا دورہ سنبھالنے کے بعد سے وزیراعظم شہباز شریف کا یہ متحدہ عرب امارات کا پہلا دورہ ہے۔ ابوظہبی میں وزیراعظم شہباز شریف اور متحدہ عرب امارات کے صدر محمد بن زاید النہیان کی ملاقات ہوگی۔اس ملاقات میں متحدہ عرب امارات اور پاکستان کے تعاون کے مزید فروغ پر بات چیت کی جائے گئی۔ اس کے ساتھ ہی وزیراعظم شہباز شریف پاکستانی اور یو اے ای کی کاروباری شخصیات، سرمایہ کاروں، اعلٰی حکومتی عہدیداروں اور اماراتی کاروباری شخصیات سے بھی ملاقات کریں گے۔اس ایک روزہ دورے میں نائب وزیراعظم و وزیرخارجہ اسحاق ڈار اور وزیر دفاع خواجہ آصف،وزیر تجارت جام کمال اور وزیر اطلاعات عطا اللہ تارڑ بھی وزیراعظم شہباز شریف کے ہمراہ ہیں۔
