اسلام آباد: وزیرِ اعظم محمد شہباز شریف نے ضلع باجوڑ میں خارجیوں کے خلاف کامیاب آپریشن پر سیکیورٹی فورسز کے افسران اور جوانوں کی تعریف کی ہے۔
وزیراعظم ہاوس سے جاری اپنے بیان میں وزیراعظم شہبازشریف نے کہا ہے کہ سیکیورٹی فورسز کے افسران و جوانوں نے پیشہ ورانہ مہارت سے فتنہ الخوارج کے 9 دہشتگردوں بشمول خود کش بمباروں اور دہشتگردوں کے سرغنہ کو جہنم واصل کیا۔
وزیراعظم نے کہا کہ دہشتگردوں کے خلاف جنگ میں پوری قوم اپنی سیکیورٹی فورسز کے شانہ بشانہ کھڑی ہے ۔
اپنے بیان میں وزیراعظم شہبازشریف کا یہ بھی کہنا تھا کہ دہشتگردی کے ملک سے مکمل خاتمے تک اس کے خلاف جنگ جاری رکھیں گے ۔
