پی ایس ایل 9کا میلہ سجنے میںتین دن باقی۔ تمام ٹیموں کے کھلاڑیوںنے پریکٹس شروع کردی
قذافی اسٹیڈیم نے 9میچز کی میزبانی کرے گا۔ سیکیورٹی کے پیش نظر اسٹیڈیم کے داخلی اور خارجی راستے اور نشترپارک اسپورٹس کمپلیکس میں موجود تمام ریسٹورنٹس بھی بند کردیئے گئے ہیں۔ پی ایس ایل 9کیلئے ٹکٹوں کی فروخت کے لئے پی سی بی نے نجی کورئیر کمپنی سے معاہدہ بھی کرلیا ہے۔گزشتہ روز سے مقررہ مختلف برانچز پرٹکٹ فروخت کیلئے پیش کیے جانے تھے تاہم متعدد پرٹکٹ فروخت کرنے کا سلسلہ شروع نہ ہوسکا ۔
ذمہ داران کا کہنا تھا کہ ٹکٹ تاخیر سے ملنے اور انتظامی معاملات کی وجہ سے ٹکٹ آج سے فروخت کیے جائیں گے۔ پی سی بی نے جنرل انکلوژرز کے ٹکٹ کی قیمت ساڑھے 7سو روپے رکھی ہے۔ فرسٹ کلاس انکلوژرز کیلئے 15سو، پریمیئیم انکلوژرز کیلئے 25سو اور وی آئی پی انکلوژرز کیلئے ٹکٹ کی قیمت 5ہزار روپے رکھی گئی ہے۔ ایلمینیٹر میچز کے ٹکٹ 750، 15سو، 3ہزار اور 5ہزار روپے میں دستیاب ہیں۔ فائنل کیلئے ٹکٹ کی قیمت ایک ہزار، ڈھائی ہزار، 4ہزار اور 8ہزار روپے ہے۔پی ایس ایل 9کی افتتاحی تقریب 17فروری کو لاہور میںہوگی، پہلا میچ لاہور قلندرز اور اسلام آباد یونائیٹڈ کے درمیان کھیلا جائے گا۔ 34میچز کے ایونٹ کے پہلے مرحلہ میں لاہور میں 9، ملتان میں5، دوسرے مرحلہ میں راولپنڈی میں 9اور کراچی میں 11میچز کا انعقاد ہونا ہے۔ 18مارچ کو فائنل ہوگا
