بنو پولیس نے دہشت گردی کی دو کوششیں ناکام بنا دیں، بم ڈسپوزل سکواڈ نے بروقت کارروائی کرتے ہوئے تقریباً 290 کلوگرام بارودی مواد برآمد کر تے ہوئے ناکام بنا دیئے ۔
پولیس کے مطابق بنو میران شاہ روڈ پر پل کے نیچے رکھے گئے 140 کلوگرام بارودی مواد کو ناکارہ بنایا گیا جبکہ بنو ککی پولیس سٹیشن کے مین گیٹ کے قریب 150 کلوگرام بارودی مواد بھی ناکام بنا دیا گیا۔ پولیس نے اس حوالے سے مزید تحقیقات شروع کر دی ہیں ۔
بنو پولیس کے مطابق بکاخیل میں شرپسندوں نے بنو میران شاہ روڈ پر پل کے نیچے بارود سے بھرے ڈرم نصب کیے تھے ۔
اطلاع ملنے پر فوری کارروائی کی گئی اور دہشت گردی کی یہ منصوبہ بندی ناکام بنا دی گئی، جس کے دوران 140 کلوگرام بارودی مواد برآمد کر کے ناکارہ بنا دیا گیا ۔
دوسری جانب بنو ککی پولیس سٹیشن کے مین گیٹ کے قریب رکھے گئے بم کو بھی ناکارہ بنا دیا گیا ۔
ڈسٹرکٹ پولیس آفیسر یاسر آفریدی کے مطابق پولیس نے تحصیل بکاخیل اور تحصیل ککی میں دو الگ الگ کارروائیوں کے دوران 150 کلوگرام بارودی مواد برآمد کیا ۔
پولیس حکام کا کہنا ہے کہ بروقت کارروائی کے باعث دہشت گردوں کی دو کوششیں ناکام بنا دی گئیں اور شہر کو بڑی تباہی سے بچا لیا گیا ۔
